طير و مكسور الجناح
۩۩۩۩۩۩۩۩۩۩ عامية ۩۩۩۩۩۩۩۩۩۩
هي الصعوبة في الحكاية
من غير ميعاد
في كلمتين
حب و فراق
تطرح ألم
و اما حروف اليتم
رغم البعاد
سهم و قلبين ع الشجر
على كام قلم
يكتب الحرف اللي راسم
حلمي اللي مكتوب ع الجبين
و ضحكة دايما تفتكر
باقي و من دون البشر
بتشوف ملامحي
و دمعة حايرة ع الخدود
تطرح عيون زي التتر
فـــ غير ميعادها
بتشوف قلوعي
زي المراية ع الحيطان
مخنوقة
و محبوس حلمها
بين الإطار
فــ غير أوانها
تحكي سنين عني انا
فاردة على رموش القمر
شمس النهار
و هي لابسة توب المرار
تحكي الهموم
و ازاي انا
هتشوف ملامحي ف كل صورة
خانق بصبري دمعتي
يمكن اشوف فيه الهنا
و فــ الشوارع و البيوت
والعمر و ايام السفر
ع البيبان
أخرس و فـــ لسانه العجب
طير و مكسور الجناح
عايش فــ دنيا
من غير براح
محروم يطير للسما
محروم يغني غنوته
تقدر تقول
،،،،،،،،،،،،،،،،،
فــــ وسط النار يقدر يعيش
لكن وحيد
من غير سبب
و ايه الجديد
اما بكون عايش سعيد
قدام عينك
و جوه مني 100 شهيد
۩۩۩۩۩۩۩۩۩۩ أ / عبده جمعه ۩۩۩۩۩۩۩۩۩۩
ليست هناك تعليقات:
إرسال تعليق